記者FAQ

(原於11/2/2008發表在小妺的臉書上，現轉載至網誌)

小妺（誤？）入新聞行業蓋兩年多以來，每天上班問不同的問題，下班被問相同的問題，前者幸而仍覺有趣，後者實不相瞞已有點不勝其煩。謹此列出「記者FAQ」，各位行內行外朋友遇過甚麼有關你們職業的奇難雜題、有甚麼妙答方法，歡迎分享。

xxx

我被問了成千上萬次的問題

不知道記者這職業對人們來說是否真的很神秘，但我幾乎每次跟行外人談及我的工作都會被問以下問題的其中數題：　　

1.你係咪要出去採訪？（我常常想，如果我答我是當老師的，會否被問「你係咪要教書」？如果我答我是當醫生的，會否被問「你係咪要醫人」？）
2.咁係咪要寫稿？定係你採訪完有人幫你寫？（有沒有人可以告訴我，香港記者的形象真的低落到被以為是不識字的嗎？）
3.你係咪拿住支咪？（這是「電視台記者才是記者」概念反映之一）
4. 你係咪要影相？（這個問題還算正常）
5.你係咪要24小時standby,隨傳隨到？
6.你係咪做到三更半夜？
7.你有冇假放？（這三個問題反映...哈哈，記者在部份人心目中還是敬業樂業的，值得欣慰。不過大家放心，記者也是人，要上班也要吃飯，也要睡覺，根據勞工法例也要放假。）
8.你係咪訪問過好多名人？／你訪問過邊d名人？（Well...點答？）
9.做記者咪要成日開車去出事現場，好危險？（突發記者才是記者？）
10.你係咪做娛樂版？（娛記才是記者？？？）

xxx

我最討厭的問題

1. 你喺邊度做嘢？（答：某報）哦，咁你唔係做記者吖嘛？
2. 喺電視台做人工係咪高過你地好多？
3. 點解你唔去電視台做？

我寫這些出來不是要挖苦甚麼人,有很多人的工作我都不明白,我也不期望所有人明白我的工作,只是覺得問這些問題的人無論要怎麼看不起別人的職業,也應該有一點禮貌而已。

xxx

朋友: 喂我地約咗x號晚出嚟食飯,你得唔得閒呀?
Fanny: 星期幾嚟架?
朋友: 星期x。
Fanny: 噢, 唔得呀, 我要返工呀, 你地玩得開心d啦。
朋友: 夜晚喎。
Fanny: 我知你講緊夜晚呀。
朋友: 你放左工嚟咪得囉。
Fanny: 我放得工嚟到你地都散場架啦。
朋友: 你幾點放工?
Fanny: 唔知架。
朋友: 咁大約呢?
Fanny: 好難講架,日日唔同。
朋友: 咁通常呢?
Fanny: 冇得通常架...我真係唔知會幾點放工。
朋友: 你返shift?
Fanny: 唔係。
朋友: 嘩你份工咁辛苦, 咁夜放工, 咁朝早幾點返工?
Fanny: 唔定架...　（救命！係朋友的就放過我啦！）

xxx